غربت هجن القوافي بزينات المعاني= صوب دارآ طول عمري وأنا مشقابها
ديرتن ينبع لها الشعر من صادق كياني= وايتزايد كان ركب الخواطر جابها
من شمال مهاجر اللي وهب سبع المثاني= حي هاك الدار واللي سكن بشعابها
دار ربعي منهل الجود ذربين اليماني= لابتآ علم الصخا والوفا يلقابها
بني عبس اللي لهم ذروة العلياء مكاني= ملحمت حد المصاقيل في مضرابها
مكرمين الضيف ذباحة الحيل السماني= في ليال مسغبتها تلوذ بمابها
وكان عطيت قرح الخيل مثني العناني= ولولشت من نقشة كفها بخضابها
وقام يقدح وارد الزند بالملح قدحاني= والعارك صوت الموت وسط رحابها
نرخص لارواح لاكنهب اللاش الهداني= مانخيب صحيتآ باللقاء ننخابها
كم شداء شاد المنايا لمروين السناني= وزاوراها من يدينا وطقو بابها
دون وضحآ ترتع الخوف في مر الزماني= الفياض الخضر في ضلنا ترعابها
ترتع المرباع وتخض حوض الريهجاني= وكل صعبه كان صعبة نطق صعابها
مانخاف لا عليمآ معلمنا البياني= كلمته تعلا وقدراتنا تعلابها
نسلك دروب المعزه ولانرضى بالطماني= والسفايل كل صنديد مايرضابها
وبيننا الطيب يكرم ويحشم مايهاني= والنفوس الزايده ماحسبنا حسابها
من عوايدنا للشاهمه بها نسعى اسعياني= والشهامه عادتن ماهباء كسابها
صمتنا حكمه الياثار هذار اللساني= والهزيله نقصها من بخت جلابها
للعلوم الطيبه عندنا قيمه وشاني= وكل راعي كلمتآ مثلها يجزابها
وآتشرف في مديحي العربين المجاني= وكل قومآ تفتخر في خيار انجابها
دون قاصر بالصناديد مدمين الطعاني= كم نشامآ خاضة الطيب عوص ركابها
قصيده للشاعر/معيتق عبدالرحمن العويمري الرشيدي بقبيلة بني رشيد