[هـمـــس]

إن حكوا فيني بوجهي او حكوا بي من وراي
مالقوا غير البياض اللي قهر سود الظنون


هيبتي حتى فغيابي تحشم النفس بقفاي
والله اني مرعبتهم يزعلون ويقعدون!


نبشوا مامن خطيه بس انا ادرى بخطاي
عيبي اني ماعرفت اساير الغير واخون!


عيبي اني ما أمن ولا أذل أحد بعطاي
وعيبهم ان الذيابه تعجز تدك الحصون


برجي العاجي بنيته بالشرف حتى هواي
لو بحب احب لكن ماازل ولااهون


مايدير الراس مدح ولا رقصت لكل ناي
الثقل ماهو تطبع طبع والكل يشهدون


لاذكرت ابوي وامي وعالم الجهر وخفاي
هانت الدنيا بعيني لانعيم , ويحزنون


وش ابي بالكون كله باكر بيقرا عزاي
اما في وسط الجريده ولا في دمع العيون


إي وربي ماشقيت بضيقتي لكن شقاي
لانزلت فقبري اول ليلةٍ وش راح يكون !

الموضوع الأصلي: هيبتي حتى..بغيابي .. | | الكاتب: هـمـــس | | المصدر: شبكة بني عبس