للغياب اعـذار تـدري والعـذر منّـي هديـة
جبت لك شمس الشموس تنير بالفرحة سمايا
نور يلبس نور يلبـس نـور ومحـدّد بفيـة
حلم لاهو حلم ولاهو علـم ولا مثلـه مزايـا
تمتمة تاهت بهمـس ولابقـى منهـا بقيـة
فوح عطر وجـاوز برقـة حسينـات البقايـا
مخمليّة فـي وطاهـا تنبـت زهـورٍ بهيـة
حسنها يصرخ لباقي الغيد.. ممشاكـم ورايـا
من زمان الصدق جتني أجمل احساس وعطية
في هواها شفت نفسي وضاعت بعيني العطايا
صرت اداري من حسدني صاحب النفس الردية
ل اجلها قالت عيونـي .. ماتغيرنـا الرزايـا
صاحبي بطلبك فيضـك بالحنـان وبالحميـة
ترضي من غبت لعيونه.. لاتخيّب لي رجايـا
خطّ لي أجمـل قصيـد بوردتيـن ومزهريـة
غير ذيك الي كسرت ولك من عيوني الهدايـا