من نوادر الغريب التي لم تحضى بالأضواء كسابقاتها
لـ سليمان المانع
بالدهشة العذرى رضيت أو مارضيت مصادفه=جتني وغابت لحظة جنون عشتها
ماشفتها لا ،، شفتها لكن بلمحه خاطفه=فز الخفوق ،، وخابره لا فز ،، يعني شفتها
معذور طاوعها النسيم ،، سحر ،، وغموض ،، وعاطفه=الله يقول لمن خلق في ذبحكم كلفتها
خصر يكسر خاطرك ،، مهرٍ كفر ،، به ،، عاسفه=هيبه ،، وأعرفك ياقصيد تموت ماوصفتها
مرت وأنا من يومها صارت بعمري سالفه=ياليتني مآفاد ليت ،، ياليتني وقفتها