يامعان الشعر صوب القوافي غردي= ان دعاك الهاجس اللي يبا المعنى الجزيل
وكان شاهدت العبر دونيها واشهدي = والمعي وسط القوافي مثل لمعة اسهيل
يوم هب الشعر أبا ابدي بيوته وابتدي= وانظمه واللي يبا المعنى يشيل
والقصيد اليالمع بالمعان مقندي= مايخون اللي يقوله ويصبح له حصيل
والليالي في دجاها وضحاها لأسودي= العجايب والمصايب وفعل الستحيل
والليالي لأقبلت مالها وصف اوشدي= وكان قفت طعمها مثل طعم الحنظليل
يالبيب اللي لفعل المرؤه مجهدي= ياعزيز النفس ياراعي الباع الطويل
لاتضيق أن شفت سود الليال اتهددي= بالظروف اللي قساها مثل حد الصقيل
الفرج من عند رب العباد السجدي= فارج الكربات واللي رجاء غيره ذليل
سر على فجوج الفيافي وخل المرقدي= واختر الجزله ولاتميل للشي الهزيل
وعادت السرحان لاطالع السرح ايعدي= ماينام ومصدر الرزق من ربآ وكيل
ومجلسآ مالك بوسطه مقر ومقعدي= اختر الوالي بداله وعجل بالرحيل
واعرف انك لو فعلت الجماله بالردي= مايسميها جماله ولايعرف الجميل
والجماله عند لآجواد تبقى ماتغدي = ماتضيعها لآجاويد جيلآ بعد جيل
والمقرد ماوراها فلاح امقردي= القشر من طبعها والسعد منها قليل
والعماوي يعمي اللي برايه يقتدي= من عماه ايفكر انه على علم ودليل
ومن تلمس للسعد بالشقاء مايسعدي= ولاينال الخير من عاشر اللاش الذليل
وبس يادنياء الشقاء لاتبذين اجهدي= هاوديني وارشديني وأنا عابر سبيل
لاحلول ولامحال ولاحل ابيدي= يكفي الماضي وأنا بين حط اوبين شيل
قصيده للشاعر/ معيتق بن عبدالرحمن العويمري الرشيدي