[سحايب]

	::احلآم عمري:: جهلـت فالوقـت ليـن اغرتنـي احلامـي الـلـي بـكـل الـطـرق حـاولـت احققـهـا ارمِ الهدف والصـواب يصيـر فالرامـي وارجع كفوفي من الحسـرات اصفقهـا ومن بعد ماطـاح غصـن الحـظ قدامـي وصارت همومـي تسابقنـي واسابقهـا وعرفـت بنـي منـول عايـش اوهـامـي اصـــدوف بـقـعـا عـلـيـه لاح بـارقـهـا عجزت لاصل مرامـي وارفـع اعلامـي وازريت لااطوي هموم الوقت واغلقها ضلمنـي الوقـت لــو مـانـي بضـلامـي ورجلي بدرب الشقاوه صرت سايقهـا امنول احلم واحـاول واكـرب احزامـي واليـوم ليـت السلامـه بــس اعانقـهـا وقــتٍ تدبـلـج عليـنـا مـثـل الافـلامــي كــــمّ انـتـفـاجـا بــامــورٍ مانـصـدقـهـا نمـشـي قــدم ماحسبـنـا دور الايـامـي ماندري الشمس وش تخفي بمشرقهـا كـم فيـه امانـي ولكـن بحـرهـا طـامـي ماظنـتـي لــو يـطـول العـمـر نلحقـهـا وكم فيه نـاسٍ تمـوت وجرحهـا دامـي ماباحـتـه للـعـرب والـحــزن خانـقـهـا وكم واحـدٍ ماصحـى مـن بعـد مانامـي وياكـم دعـاوي جهلنـا فـي حقايقهـا!! وكم فيه ناسٍ رخـوم تسيـب الضامـي والوقت في سـوق كـل المـدح سوقهـا وكم فيه ناسٍ اعزاز نفـوس واكرامـي مير الزمن عـن فعـول الطيـب فاهقهـا والفرق واضح مابيـن اليـوم والعامـي وساعـة ليـال العـنـا ماابـطـا دقايقـهـا لكن ابا اصبر وابا اكتم جـرح الايامـي واحـلام عمـري بجمعهـا وابـا اعتقهـا

الموضوع الأصلي: ::احلآم عمري:: | | الكاتب: سحايب | | المصدر: شبكة بني عبس