لبيه يامرسل من الشوق مرسال
عقب الغياب اللي ترك عنك سيره
اقلط وخذ من دلة الوصل فنجال
واسمع تفاصيل الغياب الاخيره
نزلت منزالن وخليت منزال
وصبحت لي ديره ومسيت ديره
رحلة وضرف وهم واعمال واشغال
طالت وقصرت مير ماهي قصيره
خلقت رحال وابا اعيش رحال
وانقل معي هم الضروف العسيره
مع كل هذا لك بالاضلاع مدهال
اذكرك وانا بين هم وحيره
ارفق ولا تعاتب ترى الوصل لازال
من بيننا عايش ومكمل مسيره