[شوق]

لا استانس الخافق ذكـر مـن يحبّـه
...... ورجع يراجع فالوناسـات مـا فـات

هيهات ينسى القلب شخـص ٍ لعبّـه
...... وهيهات يدله خاطـري منـك هيهـات

نبع الغـلا عنـدك وعنـدي مصبّـه
....... ومن الولا في خافقي لك ولاياات

وطيفك حطب عيني..وعينـي مشبّـه
..... والشوق برد ٍ ما انقطع لو للحظـات

ومكانك الصدر ولـك القلـب شبّـه
..... بين الضلوع اللـي فردهـا التنهـات

ولـك بيـرق ٍ فالقلـب حبـك يهبّـه
..... شامخ ولا هزه مـن العـذل غـارات