نهلت اعذب حديث(ن)من شفاك وزاد شوقي لك
رويت ولا رويت ومن سقيتـه ودك اضمالـك
وانا اللي من هجير اشواق قلبي ودي اشكيلـك
ولكـن مـا تهيألـي حضـور ولا تهيـألـك
احاسيسي تناجت لك ولا ادري كيف اسوي لك
ما دام اشتاق لك واغليك واشقامنك واشقا لـك
ضما روحي عليك ومنك والداعي دعانـي لـك
وتجرعت الرحيل المر فـي بعـدك وترحالـك
اعاني وحشة غيابك ويا طول انتظـاري لـك
اقاسي غربتي وحـدي واهوجـس واتحرالـك
متى ترجع حبيبي كل دقـة قلـب تومـي لـك
متى تشعل مصابيـح الحيـاة بليلـي الحالـك
وجيت ويا هلا حيـاك واشواقـي تغنـي لـك
انا اللي يا حياتي ما ذخـرت الفرحـة الا لـك
هلا في صوتك الدافـي وحيـا الله مضاليلـك
هلا بك والغلا اللي يعزف الطاري علـى بالـك
تعال اسمع حنين الشـوق باعماقـي يناديلـك
تعال اطـرد شقـا بعـدي وعذالـي وعذالـك
حبيبي خذ مواعيدي وخذ قلبـي وخذنـي لـك
وخذ حالي الحالي يا هواي وخذنـي الحالـك
سرابي هاجس الاشعار والهقوات تسـري لـك
وكم قال الخفوق ليـا دعـاه الشـوق هيالـك
وانا اخشى من يدين البغض تبني لي وتبني لك
لاجل يغتالني بعـدك وبعـدي عنـك يغتالـك
تقاليد(ن)عقيمـة لا تجيـب ولا تـودي لـك
سخافات العقول ومـا يضـن العالـم الهالـك
حبيبي يا كثر شوقي عليك وكثـر حبـي لـك
متى عيني تشوفك وارتوي وارويك واضمالـك
صح لسانك يابو مفضي
قريت القصيده اكثر من مره وفي كل مره اكتشف ابداع اكثر
ولاهو مستغرب على شاعر بمقامك مثل هذه الدره
فأنت بحر وهذه من احدى درره الغاليه
تقبل تحياتي