[رسام الغروب]

ياليت ليت الليت جـــابت هــــــــوى بـــال

يفهم مبـــــادي من مشى كـــل وادي


ياهيــه قلــــــــــي ليــــه ماترحـم الحـال

إرحم رحمك اللي على الكون ســادي


أنــــا صـــــــويبٍ منك مبلـــــــــي ولا زال

إكشف عّلي أرجوك عطنــــي مفــادي


قلبي انطوى عطني دوى كل الأحــــــــوال

أرجوك رجوى راجـــي ٍ له مــــرادي


يازين دمع العين من محــــجره ســـــــال

أشكي لكم وأبكي لكم بـــإجتهــــــادي


طال المدى مامن صدى واللقــــاء طـــال

طـــال السهر طــــال الشقـاء يافؤادي


خلي غدى همي بدى والـــزمن مـــــــال

عقبـــه طوى قلب ٍ هواه الــــــــودادي


كلِن يقول وكلِن اليـــــوم لــــي قـــــــال

إنك بعيــــد ٍ زايــــد ٍ بالبعـــــــــــــادي


شـــال الــــولع قلبـي وروحي لكم شال

وشــــوفك هوى بالي وشربي وزادي


علعـل فوأدي علة ٍ علـّت الـــــبــــــــال

منها ترى قلبــــي مـــع الناس غــادي


حالي تحـلحـلهــا صواديف الأهـــــوال

وقـــتــــي ووقتك دايم ٍ في عــنـــــادي


تضحك ودمعي فوق الأوجــان همـــّال

خليتني كني عــــدو ٍ معــــــــــــــــادي


أهـــــلاً هلا هلا هلا بيك لــــــــو زال

إعداد هرج ٍ ســـــــار بين العبــــادي


منساك لو قلبي نسى كل ولـــــــوال

ولو تفرق المُـــــده وطول البعــــــادي


العيد جـــانا وإقترب شهر شـــــوال

وهمي لقى بين ا لحنــــــايــــا وسادي


جريت من فرقاك سبعــين مـــوا ل

في ساحة الأحزان هذي بــــــــــــــلادي

الموضوع الأصلي: حالي تحلحلها صواديف الاهوال | | الكاتب: رسام الغروب | | المصدر: شبكة بني عبس