شوف المطر يا صاحبي ينعش الروح
لو شافه المجروح ينسى جراحه
بهّجه .. لو انّك من لظا الهم مذبوح
غصب(ن) على نفسك تلذذ براحه
وتحس بستمتاع لو كنت مجروح
كنّك سجين سنين واطلق سراحه
والا شبيه اللي من اعوام مطروح
مريض ... واعلن له شفاة ونجاحه
اي والله التعبير عاجز عن البوح
يوم ان صدري بان فيه انشراحه
شوّفته خير .. ويجعل الصدر مشروح
وترتوي من زخّته كل واحه
حياة فيما يحّمله .. وافتح اللوح
تلقاة يحييّ كل شي .. (( بصراحه
لو ان ما فالارض من عطر(ن) يفوح
لا ما يساوي نسمتن من رياحه ))
حتى تعابيري بها البسط مفضوح
والحرف مآخذ م السعادة وشاحه
من شوّفه اللي ردّ في جسمي الروح
اللي بسبّه .. فرحي اُطلق سراحه