[مساعد صنت]

قصيدة مهداة الي مقام سيدي خادم الحرمين الشرفين الملك عبدالله بن عبدالعزيز آل سعود حفضه الله ورعاه:

البارحة ماستلذ الجفن برقاده=نوبن يصيب العيون ونوب يخطيها
كني على اللي حقبها مس بشداده=عدهيتن تقطع البيداء وتدنيها
بسباب من كان عنه الناس نشاده=من وعكتن يا عسى ربي يعديها
يا منزل الغيث عقب الجذب لبلاده=يا محيي القاع يا مخضر نواميها
يا مشفي أيوب عقب الكرب ونكاده=يارب الأرباب يا مذري ذواريها
تشفي لخادم بيوتك منبع القاده=يا ممرض النفس في رحمتك تشفيها
يا سيدي لو يجيب العبد مراده=ناقف معك لين يصفى كل صافيها
لكن في حكمت اللي يحصي عباده=بالبر والبحر حافظها ومحصيها
نقدر على دعوتن مرات وزياده=في ظلمت الليل عن خلقه انخفيها
ويدعيلك اللي بلش في عيشت ولاده=رفعت عنه الظروف اللي يعانيها
ويشفعلك السامي اللي ضاق بمهاده=أمه بكل الدعاء لك ترفع يدها
ويدعيلك اللي ذرف دمعة على خداده=في ظلمت السجن ضايقتن مهاجيها
كلن سكن مع ذويه وباقي أفراده=وسترت احوالهم من عقب ماظيها
ويدعيلك اللي رفع بيته على عماده=في صحصحن يشوي القمري زماظيها
مشيتله راتبن يجري على العاده=وعقب الصحاري سكن بحسن مبانيها
لو نذكر فعولكم ما نحصي عداده=العفو ياسيدي بالقول محصيها
يمناك بالخير للمحتاج مداده=لعلها في موازينك حسانيها
غيثن يرش الكبود بصوت رعاده=اليا ضرب ديرتن تمشي مجاريها
يفرح صديقه ويكره كل حساده=لشان حدا الزمان وبان ما فيها
واليابطش بالخصيم وزاد بعناده=حدر التراقي بظرباتن يداويها
بسيفن يشيل الجماجم ضربت حداده=درسن لمن كان له نيات ناويها
ماهي غريبه توارثها من أجداده=هل البطولات حاضرها وماضيها
أبوه عبدالعزيز اللي له الساده=كل الزعاطير تحت أمره توطيها
صاروله أصحاب قومن كانت لظداده=من حنكته تطلع الفتنة ويطفيها
يا بعد مصباح من صبح ومهجاده=حتى صفتله على الوجنا روابيها
مطعومه الاسمرين اليا نفذ زاده=من فوق عوص النضاء يبعد مماسيها
من فوق عوص النضاء يا بعد معواده=بين الغزالين بالمطرق يلاحيها
حتى وصل راعي الطولات بجهاده=حقق طموحاته اللي كان ناويها
صحح مفاهيم من يذبح لميلاده=وضح أركون الصلاة اللي يصليها
يالله عسى جنت الفردوس مقعاده=على فعولن لوجه الله يسويها

الشاعر / مساعد بن صنت بن معيتق الخياري الرشيدي

بريدة

الموضوع الأصلي: قصيدة بمناسبة شفاء خادم الحرمين الشريفين | | الكاتب: مساعد صنت | | المصدر: شبكة بني عبس