اذكريني لا انقضت عشرين عام
واذكري حـبٍ قدرنـا نهجـره
صرت انا الظالم بعينك ياحـرام
ليه انا المجرم وحبـي اغـدره؟
لاتنادينـي بـدعـوى الاتـهـام
جعل قلبٍ خـان بيـدي اقبـره
الندم مكتوب فـي كـف انتقـام
والزمن عثـره تقابلهـا اعثـره
ان قدرتي تكتبـي كلمـة غـرام
اكتبيها واذرفـي معهـا اعبـره
وان نسيتيني وسط دنيا الزحـام
طالعيني فـي زوايـا المنظـره
بحرق اوراقي ولك كل احتـرام
هذا انا راحل ومنـك المعـذره