مسيت بالخير يا حظـي وش علومـك
أبطى بشيـرك ولا وصلتنـي أخبـاره
متى تسيـر المواكـب تعلـن قدومـك
واللي يسوق البشايـر يآخـذ بشـاره
من يومي صغير وانت الشوق من يومك
تعزف علـى لحنـك العشـاق قيثـاره
أحيان أذم الزمن وأحيـان مـا آلومـك
مرّه على ذي ّ , ومـرّه ذيـك محتـاره
من يوم شفت الصدود وقلت وش قومك
تكفـى ترفّـق تــرى الأيــام دوّاره
يشبعك ليل السهر لو عينـي تصومـك
يفضحني الشوق لو ما بحت بأسـراره
الله على قلبـي المجـروح بسهومـك
ينزف غلا لين يروي روضـة أزهـاره