لا ياقلم لا عاد تكتب ولا حرف
ملت عيوني من حروف القوافي
العمر خلص ونتها ونصرف صرف
وما فات أظنه يا قلم منك كافي
آخر طلب سطرين في داخل الظرف
أن نفترق يا زين والستر ضافي
وفيت يومي فالهوى عاشق صِرف
و الحب بحر مال شطه مرافي
وليوم مثل اللي مهيف على جرف
و من يامن التيار والانجرافي
خلاص كانك تدعي الفهم والعرف
ما هيب دايم كل يوم عوافي
بصبر ولو عيني ذرف دمعها ذرف
أنا على الفرقا كتبت اعترافي
ما عاد ني جايك ولو يسمح الظرف
أبي العذر يا بو الثمان الرهافي
اسرفت في حزني بعد غيبتك سرف
وقررت أسوي في المسير انعطافي
بعد الجفا ما عاد لي يمهم شف
من عز نفسه ياخذ الحق وافي
لا ياقلم لا عاد تكتب ولا حرف
وفيت معي وما مضى منك كافي