السلام عليكم بعد رغم الغياب والقصيد اتقدم بقصيدتي المتواضعه
انا مع اهموم الليالي تسليت
مالي ومال مواجهت بعض الاشكال
ماينفع الرجال ياليت ياليت
والارض ماتنشق من دون زلزال
من دلة العرام انا ماتقهويت
ولاحدن يقدم دلته دون فنجال
عن صفق بقعا والهوى ماتذريت
ولاعاد يفرق ذا الزمن قصر ونطال
ماصد عن وجه الرجاجيل لاجيت
ولايصد عن وجه الرجاجيل رجال
ولي يشب لنار من دون كبريت
بقلوب ربعه حسد وجحاف وخبال
ميقدر ولابعرف الطيب والصيت
لاتقدره مادام مايسوي الريال
وانا بكلامي ماكذبت وتماديت
عارف خروجي قبل لدخل بمدخل
شاعر وصم الشعر بيتن ورا بيت
وقبل الشعر رجال من ظهر رجال
انا رشيدي باالمواقف تعزويت
ولا يعارض الابطال يغير الابطال
ومظيبري ونكان للمرجله بيت
عزالله اني عايشن خير منزال
حنا سلايل عبس في قمه اوصيت
اهل الكرم والطيب ذربين العمال
ولاقصور بهل الطيب لاماتناسيت
كل القبايل تملك الطيب والفال
دام البقى بالحي يامحيي الميت
يامرسلن عبدك يذكر باالهوال
استغفرك واتوبلك كان زليت
من كلمة الساني وشينات الافعال
شعر احمد بن مساعد المظيبري