[سحايب]

ينجرح قلب ... لكن ترتفع هامه
والله اني لاموت ولاانحنى راسي

لورماني زماني وسط دوامه
العواصف شديده ... والجبل راسي

أنقل الحزن وامشي منتصب قامه
قاسي الوقت ... لكني بعد قاسي

وأسمع الحلم يصرخ لحظة اعدامه
رابط الجاش ... ماهز الخبر باسي

عزتي غاليه ... والناس سوامه
قلت مابيع حتى تقطع انفاسي

زانت أيام عمري ... شانت أيامه
مارجيت العزى من رحمة الناسي

من عجز لايدوس الهم باقدامه
لازم انه مع الايام ... ينداسي

يندمل جرح القلب ... ماتت أحلامه
بس ماظن يبرى جرح الاحساسي

يوم صارت مابين ... القلب والهامه
وش أبي بالحياة اليا انحنى راسي

الموضوع الأصلي: والله اني لاموت ولاانحنى راسي | | الكاتب: سحايب | | المصدر: شبكة بني عبس