هذه قصيدة مني لكم عسى ان تنال على اعجابكم
يوم اني ابغاك شفت الصد ياقاسي
من عقيها ما شرهت إلا على حالي
توك تنادي بعد ما انقطعت انفاسي
توك تنادي بعد مارحت عن بالي
وين انت عني زمان(ن) فات ياناسي
يوم اني لجلك اغامر وارخص الغالي
اوقفت لك ناس(ن) وهم دوم جلاسي
وبنيت في قلوبهم لك منزل(ن) عالي
اغليك واقدرك وامرك على راسي
واشري رضا خاطرك لو ساءت احوالي
واليوم اظنك بشر ماعندك إحساسي
من يوم خليتني بأرض الخلا الخالي
واجهت ناس(ن) هوامير(ن) بالفلاسي
كثرة مهايط وهم لاول ولاتالي
من عادتي ماتأثر والجبل راسي
مهما تهب العواصف دوم مابالي
من يوم صديت ماهزيتلي باسي
لكن هذي تعلم قلبي السالي
يوم اني ابغاك شفت الصد ياقاسي
من عقيها ما شرهت إلا على حالي
============================================