اقتباس من مشاركة برق الشمال
ياهلا بأخي الغالي أبوصالح
بخصوص المسلسلات الكويتيه مايشرفني أبدا متابعتها مسلسلات العهر والمجون أعز الله الرجال والمكان..؟؟
أمالغة أهل الكويت أعرف أنها اللغة العربية والأغلبيه من سكان الكويت يتحدثون العربية ربما أنك تقصد (اللهجة الكويتيه ) اللهجة الكويتيه جميله ولكنها تنطق ولاتكتب ؟
أنت تقول:
ياخوي الشباب مايكتبون حقائق تاريخيه علشان يتم شطبها.
بلعكس أخوي المفروض النقاش لمايكون في حدود الآدب والمنطق المفروض مايشطب سوا كان حقائق تاريخية أو دردشة عادية (شات أقلاع)
مانريده هو التحلي في الآدب وأحترام الطرف الأخرى وعدم إقحام القبائل والأصول في موضوع عسكري سياسي هذا مانريده فقط .
ياخوي الزبدة من كلامي ان المنتديات قائمه على النقاش ولايجب ان نكمم افواه اخواننا بالنقاش
العبره ليس في طريقة النقاش ومساحة الحرية بل كيف ينتهي نقاشكم في الكويت أعتقد النقاش الذي لايحترم فيه طرف للأخر ولايتحلى بالأخلاق والأدب ينتهي ويؤؤل الى ماآل اليه الحال في ندوة الخالدية الأخيره عندكم في الكويت .. فالعبره في النهاية لذلك الحرية والديمقراطيه في حدود معينه وخطوط حمراء لايمكن تجاوزها . |
اخوي برق الشمال بخصوص المسلسلات الكويتيه بقولك قصه قصيره
فيه اثنين راحوا مصر
واحد مطوع والثاني سرسري بلغة الكويت وبلغتك يعنى راعي خرابيط
لما ردوا من مصر اسئلو السرسري وقالوله شلون مصر قال كل مصر سرسريه ومافيهم اللى يصلي كلهم بالخمارات والمراقص
وسئلوا المطوع شلون مصر قالهم مصر كلها دين واهلها مدينين
لان كلن يشوف الناس على طبعه وعلى النيئه اللى هو رايح فيها
ثانيا بخصوص لهجه الكويت اعتقد انت اللى تقول اهل مكه ادري بشعابها وحنا ادري بلغتنا ومومحتاجين احد يعلمنا شغلنا
ثالثا النقاش كله بحدود الادب وماحد قل ادبه على احد وحنا قاعدين نتناقش باصل الموضوع نتناقش بالناس اللى كانوا بالبرنامج ماطلعنا من حدود الموضوع وماحد زعل لما قلنا عمر الظفيري وعويد العنزي وبدر الديحانى اشمعنى زعلتوا لما قلت ان الحقان سبيعي
وبعدين انت تقول لاتدخلون بالقبائل ماتقول انت الحين فاتحين الموضوع اهنيه ليش لو ناصر مورشيدي كان مافتحتوا الموضوع بس لانه رشيدي حميه له فتحتوا اكثر من موضوع يعنى لاتسوي نفسك عسكري وان الموضوع مفتوح لمجرد المناقشه العسكريه
وبالكويت نتناقش ونصارخ على بعض وبالنهايه الامور كلها طيبه اخوان ومافي احد يزعل من احد
واما بخصوص اللى حصل بندوه الخالديه الشخص اللى انضرب تفل على الحضور وسبهم يعنى قله ادب واستفزاز
فياليت ماتطلع عن الموضوع وترد تتناقش بالامور العسكريه وتسكر موضوع القبايل
؟