في كل دول العالم العسكري له احترام وقيمه بغض النظر عن رتبته العسكريه الا في اوطاننا العسكري مسكين الكل يملطشه
في امريكا العسكري له احترام وقيمه كبيره في كل مكان يتواجد فيه
ركبت الطياره من نيويورك الى اتلاتنا وكان معاى في الطياره عسكريين بلباسهم العسكري وهذي نقطه مهمه ان العسكري يقدر يسافر وهو لابس لبسه العسكري ومفتخر في لباسه ويشعر بالزهو وهو يمشي بلباسه يحس انه ملك بغض النظر عن رتبته سواء كانت صغيره والا كبيره
نرجع لسالفتنا بالطياره اول شئ قالت المظيفه معنا بالطياره ابطال خدموا بلادنا وسهروا على راحتنا ارجو من الجميع يحييهم فقامت الطياره كلها تصفق لهم وتسلم عليهم
كل محل في امريكا وكل وكاله طيران واى مكان تروح له تبي تشتري لما تقوله انك بالجيش وتعطيه هويتك العسكريه على طول يعطيك خصم على البضاعه
يوم المحاربين جتنى دعوه على الايميل ان المطاعم ليله السبت راح يكون الاكل فيها مجانى للعسكريين وفيه مطاعم معطين خصم 50 او 70 % طبعا هذا كله شكر للقوات اللى خدمت امريكا على مر السنين يخلونه يحس انهم مقدرين جهوده وموناسينه
في امريكا مثلا تبي تشتري تيلفون من شركه at&t وهذي شركه تيلفونات كبيره وفيها طبعا جهاز الاى فون هذا الجهاز قفيمته تقريبا 250 دولار ولازم توقع عقد لمده سنه مع الشركه واذا فسخت العقد معاهم قبل السنه يكون عليك غرامه بقيمه يمكن 250 دولار . لكن اذا انت عسكري تجيب ورقه من الدوام ان عندك مهمه برا امريكا على طول يلغون العقد من غير اى غرامه
وانا بالكويت سويت عقد مع شركه شين قصدي زين ادبسوني لمده سنتين وقلت لهم مرت سنه وبروح دوره سنه ابى الغي العقد قالوا تدفع 100 دينار مالنا شغل فيك عسكري والا مدني
العسكري في دولنا ماله هيبه الكل يملطشه واذا استخدم صلاحيته الكل يتخلى عنه يزرعون الجبن والكذب واللف والدوران بالعسكري من اول يوم يدش فيه العسكريه حتى لاخلص دوامه مايصدق انه يحذف البدله مايبي احد يشوفه بدلته العسكريه
بينما بالدول الاجنبيه يرزعون فيه الصدق والامانه والولاء والتعاون ويبنون شخصيته
؟