الله واكـبـر يـازمـان مـضـالـي
..اجني زهور الورد والقلـب مرتـاح
في وسـط بستـان مريـف الظلالـي
..والـيـوم لاورد ولافـيـه تـفـاح
من صـد محبوبـي وهجـره بدالـي
..امشي واسجم واصفق الراح بالـراح
امشي وانا كنـي مـن العقـل خالـي
..والقلب في بحـر الهواجيـس سبـاح
على لطيـف الـروح حسـن الدلالـي
..صافي البها من عوده الـورد فيـاح
لوقلـت ابدلـه عنـه مانيـب سالـي
..وشلون ابدله عنه والبـال ماأنسـاح
والـى ذكـرت ايامـنـا والليـالـي
..نجلس سوى والهـم والغـم منـزاح
واليـوم اشوفـه راح يتبـع بـدالـي
..لاقلت سيـر قـال مـولاي مـاراح
قلت المحـب الـي يريـد الوصالـي
..يتبع هوى المحبوب لودونـه سـلاح
يتبع هوى المحبـوب لوكـان غالـي
..ولايطـاوع كـل عـاذل وكسـاح
والله يامهجـة فـؤادي فــلا لــي
..غيرك من الزينات يانور الاصبـاح
وانت عديـل الـروح وانـت حلالـي
..وانتا هوى قلبً غـدى كلـه جـراح
عفـت الاقـارب كلهـا والاهـالـي
..من شان حبك ياهوى الروح وان راح
قالـو يميـن وقلـت دربـي شمالـي
..لاتعذلون القلـب ماعنـده اصـلاح
هيهـات ابـدل مجلـس العـز غالـي
..واصير باالزلات من بعـد الافـراح
ياأهـل الهـوى ياعارفيـن بحـالـي
..قولو سماح وكـل سمـاح وضـاح