صباحك عيد وايامك سعيده يا (حـلاة العيـد)
اهني العيد بحظورك .. وانا اهنيك بحظـوره
عسى الله يا(سعادة عمري) انه يسعدك و(يعيد
عليك العيد ) .. وايامي معك بالحب معموره
حداك الوقت عن عيني وانا مانيب عنك بعيـد
وقدم حظنا العذر القبيح .. وقصرت شبـوره
يزيد البعد .. واسباب البعاد اللي تعرف تزيـد
ولكن مايزال الحب ينعم بـا اروع عصـوره
مشاعر و المشاعر لو يقيدها الحيـا بالقيـد
تسلل مع نظر عين المحب وتفضح شعـوره
وانا ادري بالشعور اللي تكنه ياعنود الصيـد
مشاعرك العظيمه بالولاء والحـب مخبـوره