[فضي البراك]

أهداء من الشاعر القدير محمد المويزري الرشيدي للنائب السابق ناصر بن فهد الدويلة

اي بالله ( شبرك زايد ) وفارقٍ يالشيب=ليا صار شبر الرجل في صامل أفعاله
مليت الصدر يا ( ناصر ) امن الفخر والطيب=وشوشت راسي لين طوح لك عقاله
تليق المدايح فيك يازاكي التنسيب=وتستاهل نوَقفلك إن كبرت القاله
وطنا تفاخر فيك قبل أفتخر وآجيب=تبسم لك سهوله وتضحك لك جباله
تقود الجموع وتارد الموت والتغريب=ولأعظم من اللي داخله حب ورساله
معك من جنود الجيش كل أبلجٌ ومصيب=حمل روحه بكفه ومَوطنه في باله
ياحامين حده لا أختلط واقعه بالغيب=لبستو وسام العز ياصفوة أبطاله
فعايلكم تغيض الرخوم ولها تعذيب=بصدر الجبان اللي جبن عمه وخاله
بصرح بها طربان لو ينبح ابن الهيب=وانا الشاعر الفذ ومضاميني جلاله
فداك الردي يـ ( ابن فهد ) ما وطيت العيب=ولكن وطيت اللاش وامعنت بإذلاله
ولو وحاولوا مايشحنونك عيال الريب=خلقك اللهمن الفعل والحلم ورجاله
يانسل ( الدويله ) ترفع البيض لك تنجيب=من جدودك القاصين وأنتم لكم طاله
( رشيدي ) وراسك فوق وتفوق بالترتيب=لو أن الفعل رجال صرت أشجع عياله
اي بالله شبرك زايد وفارقٍ يالشيب=ليا صار شبر الرجل في صامل أفعاله

الشاعر الرائع : محمد المويزري الرشيدي

الموضوع الأصلي: قصيدة الشاعر محمد المويزري في النائب ناصر الدويلة | | الكاتب: فضي البراك | | المصدر: شبكة بني عبس