[عواض بن بهلان]

بسم الله الرحمن الرحيم

السلام عليكم ورحمة الله وبركاته

اقدم لكم هاذي القصيده
وامل ان تحوز على رضاكم

ســــلام الله بــريــح الــبــن وقــنــاده لـمــنــه فـــــاح

بـريـحـة هـيــل هــنــدي وزعــفــران وحــــب بــريــه

سـلام بريحـه العنـبـر ودهــن الـعـود لـمـن ســاح

تـعــم اهـــل الـوفــا والــعــرف والــــي نــارهــم حــيــه

وتـعـم اهــل الحقـائـق والحـقـائـق علـمـهـا مـــاراح

وتخص احفاد عبس اهل الوفا والطيب والهيئه

سـلايـل عـبـس ربـعـي مجـدهـم بالـعـز بـرقـه لاح

يسـدعـيـون مـــن يـنـظـر بـحـقـد ويـحـرقـه ضـيــه

ليـا حمـي الوطيـس ونـادى المنـذر بأقـو صيـاح

نـبـيــع الــــروح عــــز ولانــهــاب الــمــوت مـولـيــه

نخـوض المعركـه مثـل البحـر لاخـاضـه السـبـاح

نـجـيــب الــعـــز والـنــامــوس والــريـــات عـبـسـيــه

لــنــا تــاريــخ راســــي فــــوق بـالـقـمـه ولا يــنــزاح

لــنــا فــــي دفــتــر الامــجــاد صـفــحــاتً حـقـيـقـيـه

لنا الغبراء فرس تشهد وداحس يوم هي برماح

ولـنـا البـيـر شـهـدت يـومـن عـبـو المـلـح لـسـيـه

ولنا شريفا فخر تشهـد وفيهـا كـم شيخـن طـاح

مـــن شـيـوخـن لـهــم بـالـعــز والـنـامــوس مــاريــه

والنـا النقـره كسبناهـا وكسبـنـا جيشـهـم وســلاح

ووسمنـا وسمنـى الكـفـه عـلـى جـيـش المعـاديـه

لـنـا الـدبــه شـريــده اربـعـيـن الـقــوم فـيــه جـــراح

ثــــلاثــــه رجــــالـــــن عـــــــــز خـــيـــالـــه ورجـــلـــيـــه

ولنا مسرى من الحره نبي واد الغضاء مصبـاح

عـقـيـد الـقــوم حـــرم مـــا يـحـلــب ايــــة رشـيـديــه

ولـنــا ام الـمـعـارك يـــوم جـمــع الـقـايــد الـسـفــاح

وتـبـقــى هـيـبــة الـعـبـســي مـــــع الايـــــام مـبـنـيــه

ياعبس المعـذره وان قصـر الهاجـس لمنـه بـاح

قصايـد تفتخـر فـي عبـس واصـلـن الفـخـر هـيـه

وكـــل الطـيـبـيـن الــهــم بـقـمــات الـفـخــر مــلــواح

وانــا مكـلـوف فــي عـبـس الظـفـر والـنـيـه الـنـيـه

وصـلاة الله علـى محمـد عـدد ماهـبـت الاريــاح

وعــدد ماتنـبـت الصـمـان عشـبـن بـعــد وسـمـيـه

الموضوع الأصلي: اام المعارك | | الكاتب: عواض بن بهلان | | المصدر: شبكة بني عبس