[قسورة الغاب]

السلام عليكم ورحمة الله وبركاته

اسعد الله واقاتكم بكل خير اما بعـــــــــــــــــــــــــــد


اخواني رواد منتدا المحاروه انتم تعرفووون القسوره مشرف ويمووون

علي الشعار ولا يردووون له طلب والي يرد له طلب ماله الا الشيول ههههههههه

لذلك اذا سأل الشعار عن تحليل محاورتهم ماراح يرفضووون

لكن اليووم نبي نتشارك كلنا في تحليل

محاورة العويمري وابووو موووسي

مع تقييم المحاوره من 1 الي 10 في جميع جوانبها

اولا نستفيد من تحليلينا ونقرب وجهات النظر ونتعلم من كبار الشعراء كيف صياغة المعني وكيفية

طريقة التحوول من معني الي معني اخر

ارجووو من الجميع المشاركه شاعر او غير شاعر لاننا كلنا هنا

حبينا المحاوره من تحليلها والاموور الباطنيه والجراحه فيها هههههههه


اليكم المحاوره


العويمري

عليك اللوم مني ياخليفةجعفر المنصور//// اثرلوفي يديك ارزاق خلق الله تقطعها

ثلاث سنين يتبعها يبو موسى ثلاث شهور//// وكلمه منك نتركها وكلمه منك نسمعها

ابوو موووسي

عليك ارهى سلامه والجماعه في فرح وسرور \\\\\ سراحين الجبل تنزل على البدو بمرابعها

دواليب الزمان اتدور وانتم طيبكم مخبور \\\\\ وانا مابيك تجلس بين شاريها وبايعها

العويمري

.....نعد النور بس الناس تكره من يعد النور/// مدام الدار باهل الدار ماضاقة شوارعها

.....انا خايف ليا ثقل البحر لايجرف البابور/// ولاعندك عصى موسى على العالم تطوعها

ابوو مووسي

يلوح البرق فوق الديره اللي خدها ممطور \\\\\ وذكر الغيث ما فرق عرب بالعكس يجمعها

انا خوفي من اللي ما يشوف البيرق المنشور \\\\\ رفعت الراس لكن روسكم وشلون ابا ارفعها

العويمري

.....تطير طيور وتوقع على اوكور الطيور طيور//// زمان العولمه كل البشر غير طبايعها

.... ابه علمن حديث وعلم وسط الذاكره محفور/// ولكن يبو موسى رجع البذره الموقعها

ابو موسى

صحيح الجوع كافر والمدينه سور دونه سور \\\\\ لقيت الاوله واخطيت ثالثها ورابعها

انا مع ساقتك واتبعك لا منهي ولا مامور \\\\\ حرار الشيخ ابو عمار طارت في براقعها

العويمري

..... ليا جت للحميه بعذرك لو منته ابمعذور////ولو اشبع قناعة ناس ولا ناس مشبعها

.....ياراع الصوره اللي علقوها في سماء العثمور////ترى ماكل صوره ياابيض الشارب نطالعها

ابوومووسي

على عز ومعزه من عصير السكر المعصور \\\\\ تطيع النفس مير نفوسنا منته بطايعها

رغيب وكبر اللقمه ونشبت داخل الحنجور \\\\\ ولا هي راضيه ترجع وهو وشلون يبلعها

العويمري

... عسى يسقيك همال المطر يالوادي المدهور/// على شان الفياض القاحله تخضر مراتعها

.... صحيح الكحل مايوفي غرض للي عيونه عور//// ولو نشري لها كحل الدلال ولو نلمعها

ابوو موووسي

بعد ما غبت يا مستور جابت عبس لي مستور \\\\\ لو ان الفرق واضح بين معطيها ومانعها

عيونك رمشها لا طاح ما تلقا شوير وشور \\\\\ واخاف تطيح في عينك ولا تقدر تطلعها

العويمري

....اثرك العله اللي يبو موسى مالها دكتور///تشرع سالفه ولاسوالف ماتشرعها

....حقوق الناس شرعيه ليا جا لسوالف دور///هل الطولات يارجال مانجحد صنايعها

الله الله

صح اللسانك يااالعويمري

وصح اللسانك يابوو مووسي وبيض الله وجيهكم

ولاهنتم

الموضوع الأصلي: تحليل محاورة العويمري وابووو موووسي | | الكاتب: قسورة الغاب | | المصدر: شبكة بني عبس