حاولت اقوم قاسئ الوقت واقوم = فيما استطيع ومايطيق احتمالي
وانجيت اواجه مجهم الهم بالنوم= الهم حل اوحالي النوم زالي
والياستباحت صحوتي غفوة احلوم=حلمه مثل علمه معي بتصالي
وين انت يامبعد عن الهم مهموم =سبع السباع اوسبع سبع الرجالي
بين العرب عادات واعراف واسلوم= ولازال للاجواد يوجد توالي
كان العرب ماهي زبن كل مضيوم = ولاتعز من جاها من الهم جالي
وشعاد يفرقهم من الفرس والروم =وشلون يعرف بين وال اوموالي
والله ولااللي ينقل الكبر ولزوم = قلبه من التقوئ ولايمان خالي
وكم طيبن جته البلاوي من ارخوم= والعقل قالو للسان العقالي
ولاني بذم الناس لو كانوا اخصوم= انا الرجال انظر لها كالجبالي
ولازيدن علما ولاناقص اعلوم = ولالي ولاال اعلوم مقيل قالي
والدين والتاريخ واضح اومفهوم = وبيننبه من حرام اوحلاالي
وحنا سلايل عبس بالامس واليوم= لافعالنا تشهد اقروم العيالي
معنا الخوي والجار مكرم اومحشوم= عوايدن فينا عمام اوخوالي
ويوم الجزيره بالجهل واهلها قوم = من عرض عرضه بين صايل اوصالي
ويومن كلن له بها دار واقسوم =والقسم في حد القناء والسلاالي
اقسومنا ماجت لنا حبه اخشوم =ياما فقدنا وافقدوا كل غالي
ويشهد لنا موروثنا وسم وارسوم = احرار بالحرة من او ل اوتالي
بعلاء منازل عبس والنا العلاء دوم = تعلاء علي العلياء ارجال المعالي