يمعذبي طال أنتظاري وانا أرجيك
كنك مع هموم الزمان اتحداني
انكان لك صبرٍ قويٍ يعزيك
انا ترى صبري قضى من زماني
أتخيلك واسامرك واهتني فيك
حتى خيالك صار لي شي ثاني
اناجي الصوره واغير مواريك
واتخيل بصورتك كل الأماني
انسى وانا جالس معك بين اياديك
وأسمع صدى صوتك لقربك دعاني
وأقوم من عندك وأنا ناوي أجيك
كنه خيال وللحقيقه خذاني
بجلس معك واخاصمك وأرجع ارضيك
واعطيك من فيض الغلا والحناني
بسهر معك واعيش لحظة تلاقيك
مثل الغريق انشاف بر الأماني
مدري عن عيون الملا وين اخفيك
ياليت لك بين الحنايا مكاني
مابي مدامك حي غيري يراعيك
وماابيك تتكلم مع المودماني
اب(اتغلا فيك ياعمر مغليك
لعيون قلباًمن غرامك يعاني
موت بضمى عندي ولاني بساقيك
مابيك تطفي نار شوقن كواني
ببخل على روحي ولاني بمعطيك
اخاف قلبك لو عطيته عطاني