واصليني وامطريني من وصالـك
لا تشحين المطر وانتـي سحابـه
والله اني لا محالـه منـك هالـك
كان صار البعد والوصل متشابـه
قلبي اللي نبض شريانـه حلالـك
قل وصلك فـي متاهاتـه غدابـه
يشتكي ويقول لي قـل اتصالـك
واعذله واقول عذره مـن غيابـه
وان تضايق من ورى فكري مشالك
يكسر الاحزان في وجـه الرتابـه
يا عيوني كيف ابرضالـي بدالـك
وانتي الحلم الرحيب من الرحابـه
الحزن حالي وهذا الليـل حالـك
ممتلي وجه الحـزن دمـع وكأبـه
ليتني لا جيت في بالـي سؤالـك
رحت في صدري تفاصيل الاجابه
اشرقي نور المحبـه مـن خلالـك
ليلة المشتاق مـن ليـل الغرابـه
وأكتبي لي ما منعك وما طرالـك
واسمحي لي بأسمع حروف الكتابـه
كل آه وكل ليه وكل مـا لـك
من شعور القى ورى صدري صوابه
المحب اعمى بصيـره لـو بدالـك
ان ما قبلـه ولا بعـده نجابـه !!