أمدّ شَوْفِي ويَظْهَرْ لي ورا (الْبِيْـدْ/ بِيْـدْ)
وان عسعس الليل بَشّرْنِي بِطْول النـوى
على كِذا تمضـي الأيـام بَعْـدَك وحيـد
وكنّي مع الريح ريشه في مهب الهـوى
ولو تشرق الشمس في شَوفَك يذوب الجليد
وِيْمَوْت ليلٍ عجزت القى بِوَجْهِه ضُـوى
وجرحي رساله وكفّ الليل ساعي بريـد
والمرسل الخاطر اللي من جفاك انكـوى
وَضْعِي على حَطّت ايدينك وَلاَ بَهْ جديـد
غير الجروح القديمه من طعـون الهـوا
ماَ غير اعدّد طعـونٍ كـل يـومٍ تزيـد
وانت السبب وانت داء الحب وانت الدوا
واللي أعَرْفَهْ تمام الْعِـرْف يعنـي أكيـد
إنّي شِرِبْتَك غرام وضامـري ماارتـوى
وانّي مُقُيدْ بِحِبّك بـس مـن غيـر قيـد
وانّك بجوفي نِزَلْت ابْ(عالي المستـوى )
ياللي طعنت المحاني مـن زمـانٍ بعيـد
ونويتنـي بالفـراق وخاطـري مانـوى
وين انت يَا مَا خِذٍٍ كُلْ الزمـان السعيـد
يا حامـلٍ فـي مياديـن الجمـال الِّلـوا
أقفيت من غير مَـا تِسْئَـل كِـذَا ياعنيـد
وتَرَكْت لي قلب في ركن العذاب انزوى
وتَرَكْتِني دمعة الأيتا م في صُبْـح عيـد
يتيـم يتصنّـع الفرحـه وهـو ماقـوى
وقطعت بيديك شرياني بمشـرط حديـد
بالساعه اللي بها ذيب المشاعـر عـوى
بالساعه اللي رَحَلْت وجـفّ دم الوريـد
أقفيت،وَابْكَيْت،وَادْمَيْت ،ولَعَنْـت الثـوى
تريد،واريـد،والله يفعـل اللـي يـريـد
وحبل المفارق على عنق الوصال التـوى
حماقة الوقت ما ترضخ لحكمـة رشيـد
وعمرالأصابع على الكفين مَاجَتْ سَـوى
فيك احترفت القصايد وانت بيت القصيد-
يَا كِثِرْ،ما اشْرَبْك شِعْرْ،وخاطري ما رَوَى
وقصيدةٍ.ما تَعَطّـرْ فيـك (اجابـة بليـد)
تصبـح غبيّـه بَلاَ،معنـى وَلاَ مُحتـوى
خذني معك في دروب الحب عبدٍ وسيـد
يا للّي طواني عليك من الغلا مـا طـوى
شِلْنِي معك يَا ثَمَرْ عُمري قـلاده بِجِِيْـد
وارفق بقلبٍ زمانـه فـي عذابـه نـوى