آه والصدر ضايق والسبب من تهاني
ضيّقت صدر قلبه قاصده أو خطيه
كانت تموت فيني لو ابعد ثواني
تندهن هيييه أحبك لاتحسبن خويه
تركي تركي وتركي وينك الموت جاني
رد وش فيك غايب ياعيوني وضيه
ثم لاجيت تفرح كنها بالجناني
فرحة ٍ ماتشابه أي فرحه قويه
تسألن كيف حالك نار فيك المكاني
ياعسى الله يديم الحب لك وانت ليه
بالهوا والمشاعر من بلاها بلاني
صرت ماشوف غيره بين خلقه بنيه
ياتهاني عساني واهم ٍ ياعساني
قلبكم ماتغير ياتهاني عليه
صرت مرضان واسمك هو مرافق لساني
مايفارقه صاحي لو حلمنا سويه
عندي الموت أرحم من تحبين ثاني
لو تروحين عني قلت جات المنيه
جيت يالله بطلب منك تحفظ تهاني
وين ماتروح خله ماتشوف البليه