[الذيب]

السلام عليكم ورحمة الله وبركاته
اخواني رواد شبكة بني عبس منتديات قبائل بني رشيد
اقدم لكم هذه القصائد التي دارت بين كل ٍ
من الشاعر الكبيرناصر خنيفر والشاعر ناصر الشويلعي
والشاعر معيوف ابن زهيميل والشاعر عبد الباري بن عبدالعزيز
والشاعر بتال وهي عباره عن معركه دارت رحاها بين
حزب العمدة وحزب النصر وهذي قصائد هجوميه وبعضها
انتحاريه والقادم ادهى وامر بين الطرفين المتنازعين ,
وإليكم جميع القصائد , واسمحولنا بالقصور .
هذا اول مابدا العمده به من قصائد

اقتباس من مشاركة ناصر خنيفر الحزب دكلاته توطا المشاريف = في نصف ساعه كلهم واصليني خانو بنا وحنا هل الخيل والسيف= حتى بعيد الله جو معتديني وين الجحش ياطوحن الغطاريف = بيومن عبوسن منه شاب الجنيني وين معيوف اليااعصفن العواصيف= شوف القذايف من يسار ويميتي وين المويسه ماتفيد السواليف =اخلال ساعه عندنا حاضريني وين ابن عادي مكرم الجار والضيف = بعد الولي حنا بكم نستعيني عادو على الكره عصاتن ملاقيف = ماذمهم وقت القا متعبيني لكن لقانا صعب ماهو على الكيف = نتعب قبل نتعب وهم فاهميني اليا نسيتم ماحصل باول الصيف= نعيدها والله عليكم يعيني

وهذا رد ناصرالشويلعي عليه الاول

اقتباس من مشاركة ناصر الشويلعي هذا ردي على شاعر الحزب العمده ونقول وفقك الله (البحر من خلفكم والعدو من امامكم ) حنا ترانا مفرقين المواليف=اللي ورثناها من الاوليني ياللي تصرف ماتفيد التصاريف=ماتوبتك الاوله يالفطيني عدونا من فعلنا يصبح مخيف=لون قلبه من حديده يليني احزابكم ماغير بدعه وتوليف=ماعندكم غير البكاء والونيني نبا نوصفكم ابعض التواصيف=هذا حسب مااسمع وشفته بعيني احزابكم تشبه لقشع الشفاشيف=هذا هو البين والآخر يبيني ياحيف يابعض الرجاجيل ياحيف=مقدام قوم وباح منه الكنيني ذكرتني يالعمده بقصة حنيف=اللي شرب عشرين فنجال صيني وحنا هل النخوه ارجال المواقيف=اليا رقص مع الطبول اللعيني هذا كلامي جاك ماهي سواليف=واسلم وسلملي على الطيبيني

وهذي قصيدة العمده الثانيه

اقتباس من مشاركة ناصر خنيفر نباء عليهم غارتن منها يشيب اللي رضيع = حدد لساعات الصفر بالليل ولا بالنهار حط ابو خالد بالسلاسل لين عن غيه يطيع = اما ولد عبد العزيز ابا انتحر فيه انتحار حنا سلايل عبس جونا افراد وان جونا جميع= حنا ذراء اللي ياعتزت فينا نبيع الها العمار من اليوم هذا واقفن حزبي لكم في كل ريع = بالارض ولا بالسماء ولا بغبات البحار نقضتم الميثاق قبل يحل ميعاد الربيع = والغدر والخدعه لكم عن باقي العالم شعار اللي سكن يم اليمن واللي على الخط السريع = واللي جنوب من القصيم واللي جنو بن من قفار والله لاخليهم حفاه اعراه مثل اهل البقيع= عقب الكدالك والجيوب الكل يركب اله حمار

وهذا مجاراة الشاعر معيوف ابن زهيميل للعمدة

اقتباس من مشاركة معيوف ابن زهيميل البادي اظلم والوداعه ماتضيع امن الوديع= وابليس يرجم في نهار النحر في سبع الجمار وش غير الأحوال بين المشتري واللي يبيع= والحرب يبدأ بالشراره ..ينتهي بعد الدمار حنا سلايل عبس لامنه هباالأصل الوضيع=حنا مقابيس الوغى ، لعرّضت قحص المهار الأمر شورى ، والتحدي عادة الرأس الرفيع=بالضيق وألا بالسعه ،رجالنا نار وعمار العهد وعد ولابعد نقض العهد يبقى منيع= في سلم خلق الله وحنا ألنا بعد سلم وقار اللي يريد العافيه باب العفا بابٍ وسيع= قبل تفوت الرحله اللي تنتظر له بالمطار الله وأمانه مانبا الزبده على الراحه تميع= وإن حدت الزرقاء عزلنا السحر عن لعب القمار

وهذا رد الشاعر ناصر الشويلعي الثاني

اقتباس من مشاركة ناصر الشويلعي ماقدمك الا السيف ابو حدين غادله لميع=ياللي تدور للقشر تبشر على شعله ونار عرضت راسك للسيوف و للمغيره يالفديع=المعركه دارت رحاها والزمن فيك استدار انته وحزبك مالكم من عندنا فضل وصنيع=نبا نولع نارها حتى يقربها القرار يامجمع ٍ حزبه ترا حزبك بعد بكره يضيع= يجيه قصف من السماء ويجيه قصف من البحار ماعاد اخف الحرب عنكم لين تحت امري تطيع=ياللي تذكرني بجار ٍ عام الاول خان جار انته لكيع ٍ طحت لك بيدين رجال ٍ لكيع=عقب الحلاوه اشربوا ياحزب من كاس المرار ياما كسبنا وياما اخذنا بالمغازي من قطيع=حنا مكاسبنا رماح القوم مع حسك الوبار واللي على يمناي في وقت اللقاء رجل ٍ شجيع=والا انت يالعمده على يمناك صاحبك الحمارههههههههههه

وهذا رد احد افراد حزب العمده الشاعر بتال

اقتباس من مشاركة بتاال ياناصر صويان بسم الله وهو ربن سميع = نبدا على راسك نطق القفش ويثور الشرار ان كان راسك معترض نفعل به الفعل الشنيع = ونطق عرقك من يمين ونظرب العرق اليسار يالين من حولك يخاف ويفعل اللي يستطيع = لاكن مصيره للهزيمه كان عج الموت ثار ان كانها ثارت تراكم بين ميت مع صريع = ماتصمل البومه مع طير السعد نسل الحرار وشلون تزمر قدم راس العمده اللي لك يبيع = باعك على سلم القوافي ثم حطك وسط غار والجحش نسله من خيار القوم ماهو بتبيع = ان كان وقف صفقو له من كبار ومن صغار ياكم ظرب من شاعرن فالخشم ماحصل شفيع = ماهمه الخصم المسمى لو يكون من الكبار وانا ترا بتال ضمن الحزب والذايع يذيع = ياناصر صويان جاك العلم وانته من (خيار)

وهذا القصيدة الثالثه للعمده

اقتباس من مشاركة ناصر خنيفر قطعت راس الشيخ ابو خالد وجبته في يدي= وخليت جسمه لطيور والسباع الجايعات هذا جزاء اللي نعمل الهدنه معاه ويعتدي =خان العهود اللي قبل عامين معه موثقات والليله الليله يبين سهيل من نجم الجدي= مابين عبد الباري وعميد عبس مطاردات كان الجحش حوله من ظهر الفرس قلت بعدي= غزيت رايات الفرح ياعبس في كل الجهات هذا مناي اليا كسبنا قبل موتي مقصدي= ياحلو اخذ الثار يابنا عبس من قبل الممات والكل طيب ماذكر فينا جابان ولا ردي = لكن حزبي فيه زود اشوي في بعض الصفات

وهذا رد الشاعر ناصر الشويلعي الثالث

اقتباس من مشاركة ناصر الشويلعي راسي صعيبه قطعته لاكان ريح ياولدي=هذي احلام ٍ كل ماترقد يجنك مزعجات لو اضربك في ضربة ٍ وحده عن الحزب تغدي=وتصير في تال الزمان انته وحزبك في شتات والليله الليله جحشك يصير عن حزبك فدي=تبا تجيب العيد فيه اهل الفعول الطايلات من عام الاول وانتم اهدافي وغاية مقصدي=ياما وياما فوقكم حامت طيور ٍ حايمات يارئيس التجنيد لو في كل يوم ٍ تعتزي وتجندي=الخوف عقال الركب واحسب حساب المقبلات اسمع كلامي وافهم اللي قلتلك يامعودي=انصح جحشك اللي معك قدام لايجيه الممات .........

وهذا رد الشاعر عبدالباري بن عبدالعزيز

اقتباس من مشاركة عبدالباري عبدالعزيز الموت جاك وصاحبك بالموت هادي ومهدي=اتبات في الوادي،، يجيك السيل وتعاف المبات الناس ماتدري وش اللي فيك لاقمت تحدي= ظلك تشوفه معك وتناديه ياالله هات هات ههههههه الشكوى لله ،شيء ماهو فيديك ولايدي=بعض الأمور تعد ضمن المشكلات الواهيات حرفي هجائي ،،والجحش حرفه هجائي وأبجدي= ماذم أبو لطمه معودنا يجيب المعجزات عيني على اللي مولده ، منشأه ،بحدود أبلدي= ما واق في رؤس المراقيب الطوال النايفات هذا مادام الشعر ينثروالبساط ألنا احمدي= والعلم الآخر نتركه لغطرفٍ غيد البنات

والسلام ختام

الموضوع الأصلي: القصائد التي دارت بين الحزبين. | | الكاتب: الذيب | | المصدر: شبكة بني عبس