فرحتي بك مثل من كفـه قصيـره
بعد ما ساقوه في حكم القصاصـي
متهم بالظلم فـي تهمـه خطيـره
مالقى عنهـا هـروب ولا مناصـي
غمضو عينه وهو يعـرف مصيـره
بيفصلون الجسم عن بيض النواصي
ودمعة عينه من اللـي فالسريـره
كيف تهمه مالقى منهـا خلاصـي
واسمعوا بيـن الجماهيـر الغفيـره
صرخة يسمع بها دانـي وقاصـي
اعترف من هو قتل باكبـر كبيـره
مايضيع الحق لو مخفيـه عاصـي
ذا شعوري وانـت غيباتـك كثيـره
ومحكم الآيات يوصـي بالتواصـي