[النمر1012]

المرسل النمر 1012
المرسل اليه .............؟؟؟؟؟؟؟؟؟؟؟؟؟
ياللي تعطر عالمي من دخونك وش فيك ضايق صدر واحوالك أحوال
وهَرْجْ الغرام اللي حكت به شجونك سِمِعْتْ انا في مرهف الحسّ وش قال
ليه الْحِزِنْ غيمِه غشا كل كَوْنَكْ ليه المطر من مزن عينيك همّال
ليه افضحت هَمّّك سحايب عيونك تنساب دمعاتك وِكِحْل الْهَدَبْ سال
دمعٍ نِزَلْ، دَمْعٍ وِقَفْ في جفونك يحكي وِجَع ،وجروح روح، وعنا حال
متغيّرٍ من ضيقة البال لونك لاَ بَيّض الله وَجْهَهَا ضيقة البال
كم قلت لك لاَيَاخِذِنّك ظنونك ومن حال ترمي بك شِكَوْكَك على حال
وانا جنوني بالهوى من جنونك وحبّك هنا بضلوعي العوج مازال
مقعول اكمّل رحلة العمر دونك هذا الكلام اهبال بهبال بهبال
قلبٍ لِبَسْ ثوب الوفا ما يخونك وشلون وانت احلام عمري والامال