بيض الله وجهك يالشاوي
على هذه النصيحه الطيبه والجزله
الله يكتب لك الأجر والثواب
ويجزاك خير
صح لسانك
واليكم قصيدة المشاركه
مني نصيحه يارجاجيل تكفون
تكفون يلي تفهمون النصايح
لايغركم بعد الامل لا تمادون
لابد من يوماً على النعش طايح
لابد من يوماً به أهلك يعزون
ولابد من يوماً عن البيت رايح
أهلك عليك أيام بالحيل يبكون
وبعدين ينسونك ولا يصيح صايح
تقسمو ورثك وصارو يمونون
وتغيرت كل النظم واللوايح
زوجتك بعدك تأخذ الي يخطبون
ومالك توزع في جميع الشرايح
وأنت بعملك بداخل القبر مرهون
مكتوب ماسويت ميروح رايح
أن كانت تعمل خير تلقاه مضمون
وأن كانت تعمل شر شفت الفضايح
لاكن عدو للسفر قبل تمشون
تجهزو بالدين وأغلى النصايح
أدو صلاة الفرض مع من يصلون
وأدو زكاة المال قبل الصفايح
هاذي بيوت الشعر للي يعرفون
اللي سما عن كل ساقط وطايح
وصلاة ربي عد ناساً يحجون
على النبي وعداد ما البرق لايح