الموضوع: الذخيره
عرض مشاركة مفردة
  رقم المشاركة : [ 1  ]
قديم 24-09-2010, 07:12 AM
سلمان العويمري
عضو مشارك
رقم العضوية : 779
تاريخ التسجيل : 4 / 1 / 2007
عدد المشاركات : 142
قوة السمعة : 19

سلمان العويمري بدأ يبرز
غير متواجد
 
الافتراضي الذخيره



يالله ياللي مالنا رب غيره= يالواحد الدايم ولا غيرك يدوم
تفرج لعينن من سهرها خطيره= ماغمضت من قبل قبل امس لليوم
ترعى النجوم الاوله والاخيره= تطلع تغيب نجوم ماتفوتها نجوم
ليت عسى ولعل بالامر خيره = ان جيت اقوم اطيح من قلة النوم
يضوي علي الهم من كل ديره= الصدر فل هموم والراس مزحوم
اسرح مع افكاري وطوف الجزيره= واقف على غبه ماينفع بها العوم
سهله على غيري عليه عسيره =صعبه على النادر وسهله على البوم
دنيا القوي مثل الرحا المستديره= ترفع بها روسن وتفرك بها خشوم
تحدث بها دايم حوادث مثيره= واللي عليه اللوم مايلحقه لوم
فيها وراى اللحيله تضيع البصيره= وراع الصحيح اصبح على الكذب ملزوم
ناسن يخلون الصغيره كبيره= وبعض الحلال اصبح بهالوقت زقوم
وطالت يدين اللي يدينه قصيره = والمسك ريحه ضاع من ريحة الثوم
والمال بيدين لاوادم ذخيره = خلى الردي ينعد من خيرة القوم

الشاعر // سالم علي العويمري

الموضوع الأصلي: الذخيره | | الكاتب: سلمان العويمري | | المصدر: شبكة بني عبس