( الغزل )
لشاعر : فزاع
بنتٍ تمر الظلوع وبيتها بيتهـــــــا .. ماغيرتها السنيــــن و ما تغيرت انـــــا
يوم اكشفت عن مفاتنها وضميتها .. قالت لي الحب وش هو قلت بيت الهنــا
ياليت مالي خفـوقٍ ينبض وليتهــا .. إلا نعــس رمشها ماعــــاد تســـرف بنا
يغار قاميصها من لمس جاكيتهـــا .. لاهزت اكتوفها كبر ودلـــع ولـــــــدنا
غضنٍ من الشوق اذا مال او تماديتها .. لين اقبل الله لنا وان ادبر الله لنـــــا
اغلى المزايين واحلاهم شهر صيتها .. فقيرة الخصر والارداف ظفرة غنـــــا
قالت يازين المطر قال المطر جيتها .. لين السحـب حاصرتها من هناك و هنا
قال لسما الشمس علمني لا مريتهـا .. أبغي أشوف السنا لامنه عانق سمــا
خلتني البارحـــــه وانا ماخليتهـــا .. غنيت لحن المفارق والهجر والعنــــــا
للحين وانا ضلوعي بيتها بيتهـــــا .. ماغيرتها السنين وماتغيــــــــرت انا
* * *
(الفخر)
لشاعر مساعد الرشيدي
حنا سلايل عبـس يامذيـر الريـم
حنـا مقابيـس الوغـى يامليحـه
حنا سلايل قاسـم الخيـل ودليـم
وزعاتنـا يـوم المكايـد رجيحـه
بدو حفايا مـا انصفتنـا المقاسيـم
وبصدورنا عـزٍ تطـارخ فحيحـه
نرعى رفيف البرق في ساقة الغيم
ومن يستبيح حدودنـا مـا نبيحـه
وليا ترع في هرجته دفش وبهيـم
خطو الهبود الـي تكابـر فطيحـه
عن ساقط الهرجه نطق الملاطيـم
ومن طاح فيها مارحمنـا مطيحـه
نكبر عن الطفسه ونجزع من الضيم
ونموت ما ناطا شليـل الفضيحـه
نزوم زومات الرجـال المحاشيـم
ونهـد هـدات النمـور الجريحـه
ربـع علـى در المنايـا مفاطيـم
من هازنا زاغت عجوزه تصيحـه