السلام عليكم ورحمة الله وبركاته
هذي احدى قصائد الشاعر ميثان الرشيدي ( والدي ) اطال الله في عمره
اتمنى ان تنال على اعجابكم
ياليتني ماجيـت ضلـع المسنـاه=ذكر عليـه جوهـا منـزل ٍ لـي
زرت المكان اللي قديم ٍ نزلناه = واخذت احسب رياي فيما حصلي
سقت النظر فيها من اقصاه لأدناه=واعيد وارجع في ليال ٍ مضنلـي
يوم الشباب ولذة العمـر وصبـاه=ايام يومن الزمن ضاحـك ٍ لـي
وقت ٍ طرالي تل قلبي من اقصـاه=ساعة ذكرته دمع عينـي يهلـي
من عندل ٍ لاجيت يضحك محيـاه=يزعل كثير الناس كله ارضا ً لـي
انا اشهدنه غايـة القلـب ومنـاه=واليا هرجلي بالغلا جيـت كلـي
عشرة وفاء ولا الدنس ماوطينـاه=وكل ٍ على سمعة عشيـره يذلـي
وعسى السحاب الغر فوقه نثر ماه=ويمطر على خد ٍ نزل فيـه خلـي