ياعيـن هلّـي صافـي الدمـع بالـهـون
لاتجرحيـن الخـد مـا اقــوى عـذابـي
والله لـو توضـع دمـوعـي بمـاعـون
ليـذوب منهـا مـثـل مــا الـخـد ذابــي
ضيّعـت نفسـي بيـن يمكـن يحـسـون
وبين العفو و الصفح وانسى حسابي
لـكـنّ قلـبـي بــه سكاكـيـن وطـعــون
تطـعـن مـثـل مــزنٍ يهـلّـه سـحـابـي
كنّـي كمـا المكسـور مـن ذل الـديـون
وكـنّـي كـمـا فـاقــد مـكـثّـر شـرابــي
اعشقـه قـلّـه بــس تكـفـى لايــدرون
انـي ابيـه وشـوق قلـبـي ســرا بــي
انـــا احـبــه بـــس ادري مايـبـغـون
انــا نـكـمـل حـــب ظـامــي سـرابــي
لـكــنّ ربـــي كـاتـبـه قـبــل يـنـهـون
افــراق حــبٍ طــار مـثــل الـغـرابـي
اواه واويــلاه مــن جــرح مـلـسـون
يـرمـي كـلامـه دون ادنـــى عـتـابـي