تدري بأني ناذره نذر بفنون
........... اجزمـ بأنه ماطرى لقبلي انسان
نذر ٍ يخلي صاحي العقل مجنون
........... لأنه بيدركـ حب واحساس شفقان
وايضـا يخلي شايب بشعري مفتون
........... يمكن لأنه يحس باحـساس ضمـيان
ويمكن يخلي منهو بشكله مزيون
........... يشعـر بخيبة طفل واحساس ورعان
لاني هملته مع خويّه ويعرفون
........... منهو يفكـر يسكنه قلبي غلطان
لأن ببساطه قلبي من مبطي مسكون
........... يسكـنه شخـص ٍ واعلن اليوم اعلان
مالكـ لوا فيني ترى قلبي محصون
........... وخـل هالمعـزه تبقى باحـساس الاخوان
قلبي غدى بقلبه مـا در مكنون
........... محدن يجيبه كانه جنن وشيطان
لانه غلايا واصبح لعيني النون
........... وكـل شخص غيره يجيني ويموت عطشان
ولأنها حياتي مالها فبعده اي لون
........... ولأني اعتبرته صقري والناس غربان
ماابغى اطول بالقضيه ولا تهون
........... لأنه كلامي ان طال بتكون خـسران
برجع لنذري واسمعه وافهمه بهون
........... يالله يا دلي افهمه بحس خلان
اربع بناتي وهاذا النذر مضمون
........... باربع اسامي كل حرف ٍ بعنوان
عبير الاولى فيها هالسـر مدفون
........... لانكـ بطبعكـ وافي وعالي ٍ شان
ودلال الاصغر لكن دلال مغبون
........... من دمـ امها تارث هموم واحزان
امـا الجود هاذا هو كـل مضمون
........... حـبي وحبكـ بعالمـ كـله خوّان
والا الصغيره ليلى والقلب محزون
........... محزون يشعر حبه اليوم عجزان
وانا رجيتكـ كاني لشوفكـ عيون
........... والا الصحيح ان كنت لعيونكـ اوطان
خلكـ بجمبي وكل انسان مهيون
........... وخذني بحضنكـ وحطّني تحت جنحـان
لكـن يخوفي يصبح الحـب معـيون
........... وتتركـ غلاتكـ ثاايره وسط بركـان