صوسمعته قيـل ماهـو بمنقـول
من قايل بالقـول قـال ونكرتـه
بشي يفلسف فلسفة كـل معقـول
وصوت ٍ يذكرني بصوتٍ سمعتـه
شفته ولكنـي تفاجئـت مذهـول
حلم السنين الماضيه ،، واختصرته
هيضتني ياحلم في شوفـة اللـول
وفي نومي اللي مالك ايام( زرته )
ياقلب لـو اللـي تمنيـت بتنـول
ماكان غاب الزين ليـل ٍ سهرتـه
عقب المحبة والظمى جاك هملول
مخلوط في دمع ٍ رويت(وسكرته )
واليوم انا بسألك وابي منك مدلول
وش رايك بحلف ٍ وعدت ونذرته
تبعد من اللي هرجته دوم معسول
وتقرب من اللي لو عرفته شكرته
صغرك يكبرني كبيرٍ على طـول
وكبرك يكبرني وانا اللي كبرتـه
وكل ماذكرتك أتصل فيك لا حول
وكل ماطلع رقم ٍ يبينـي نطرتـه
وأرجع عليه ادق ويصير مشغول
لا بوه خطٍ يحسب انـي جبرتـه
ومادام خطه يعطي اليوم مفصـول
قولوله اني في جهـازي عذرتـه
وقولوله اني منتظر لو بعد حـول
وأخذوه مني سنين لامن نظرتـه