[فـدعة بني رشيد]

بعد المحبه..علامك منت طايقني..؟
وانا على خبرك أشواقي هي أشواقي..

اسلوبك اليوم يقتلني ويحرقني..
سؤال؟ ابسألك وين أسلوبك الراقي..!

حتى كلامك معي بالحيل مقلقني..
والشك في داخلي ماعاد ينطاقي..

ان كان قصدك تقول إرحل وفارقني..؟
برحل ولكن مصير الحي متلاقي ..!

وان كان قصدك تغلا.. وأنت عاشقني..؟
أبشرك ماتغير شي بعماقي..

وان كنت تمزح..؟ أمانه معك روقني..
تراي مكسور خاطر.. وإنكسر ساقي..

ياليتك تحس بحساس مضايقني..
وياليت تقرى كلام داخل أحداقي..

حلمك من أول..! في هالدنيا تحققني ..
واليوم في بحر غدرك ناوي إغراقي..؟

والحظ الاقشر يوم إنه فيك علقني..
خلاني دامي على شوفتك مشتاقي..

علمتني كيف [أحبك] لاتوهني..
علمني [أنسسى] ولا تستكثر الباقي..

كنت أحسب إنك إذا جيتك تعانقني ..؟
آثريك لاطايق شوفي ولا إعناقي ..!

الموضوع الأصلي: بـررحل ولكـن مصيـر الحـي [ متـلآقي ] ...! | | الكاتب: فـدعة بني رشيد | | المصدر: شبكة بني عبس