[سيوف بني عبس]

متعب المضيبري

ياسلام الله سلام فيـه مسكـة خاطـر
من هجوس الشاعر اللى مايحب السبي
ودنا بمعذب الشعـار جعلـه حاضـر
لايجينا واحـد مـن هـب ولا دبـي

معذب الشعار

مرحبا من شاعر رحب وهلا بشاعر
عد من زار الحرم حجاج يطلب ربي
ابشر اني حاضر ولالي بحب الكافر
واعتبرني معك شاعر كني المتنبي

متعب المضبيري

البقا بك ليلة الليلـه وصبـح الباكـر
والمسافرلاقضى البنزين معـه يعبـي
انت راسك تحت هملول السحاب الماطر
تستغيث وجاك سيل الماطر المنصبـي

معذب الشعار

صاحبي متعب طويل لسان ماهو قاصـر
وان صفى جوه ليا هب الهبوب يهبـي
وانت خرطومك وراسك مثل راس الفاطر
لاعـب فيـك الزمـان ونيتـك تلعبـي

متعب المضيبري

غلطة الشاطر بعشره يالعميل الشاطر
وخسارة نقلتي للمخـزن المتعبـي
ليتني متحدي ابن خضير ولا ناصر
الرجال اللي سوات المطحنه للحبـي

معذب الشعار

اعرف ان السيل لاجاء مع شعيب حادر
شال مابوجه وسيلـه ماهـو بمتغبـي
كل مشعاب يحول في جنـوب العاهـر
وانت متعب والاوادم في منى وتلبـي

الموضوع الأصلي: محاوره متعب المظبيري ومعذب الشعار | | الكاتب: سيوف بني عبس | | المصدر: شبكة بني عبس