03-07-2010, 02:08 AM
|
|
ادري وصالك . في الشريعه حرامي والمجتمع .. يفرض سلوم ٍ وعادات
يعني ابد .. ما اقنعْك // صامل كلامي
اللي نزفته شعر .. في وسط الابيات
النزف سامي // ومقصد النزف .سامي
الا سمو ٍ .. من سمو الــ سماوات
تعرف نوايا القلب .. يكفي اتهامي
تكفي جروح ٍ في جبيني علامات
شف اكبر جروحي .. مع الوقت // دامي
جيتك ادور .. في علاجك سلامات
للماء ثمن .. ما يعرفه كود // ظامي
في كل قطره .. تنتشي به ملذات
الماء .. غذاء روحي // وجبْرة عظامي
ابشربه , وارواه , واظماه بسكات
وبكتمه بالصدر // لو كان حامي
يحرق ضلوع الصدر .. شوق ٍ ولوعات
يولع احساسي .. ويطْفي هيامي
وأسهر على عيونه .. واصحيه // وابات
ادري وصالك . في الشريعه حرامي
والمجتمع .. يفرض سلوم ٍ وعادات
وانا // فلا برضى بغير النظامي.,
((وان جاتنا الدنيا .. على غير مشهات
برسل لك اشواقي .. ومعها احترامي
مغلفه بالحب .. في وسط باقات))
_ .فاما اقنعَك .. في الحب // صامل كلامي
ولا رحلت .. وجعل دربك // سلامات._
|