صح اللسان ولاهنت يا1ذيبان روعه في روعه تسلم يمينك وفعلا
أيه أعرف الله .. وأذكـره وأستخيـره
وأعرف بعد ..صكات بقعاء والأنشاب
وأعرف بعد .. قل العدد مـن كثيـره
وأعرف بعد .. فرق الشنب بين الأذناب
وأعرف بعد .. رجلٍ تلافـح زفيـره
وده يطربقها .. على روس الأشنـاب
ابدبكـه .. غـب البحـور الغزيـره
وأعلمه .. وشلون تقدير الأصحـاب
ياهيه .. ياللي حكمك اليـوم شيـره
لاتحسب أن الصن .. فكاك الأصعـاب
لاتحسب انك .. حاكم اليـوم ديـره
وتشيلنا .. شيل المناسـب والأطنـاب
شم البختري .. واسعط أحلى عبيـره
واجلس تمخطر .. وانبسط بين الأطياب
وسج الدروب .. المربعـات القصيـره
وأجلس مع خلك .. وبادله الأعجاب
غرهد تعنفص .. عل با الأمـر خيـره
ودوّر مكانك .. يا الردي بين الأعراب
واليـا ادلهمـت .. لا تفـل الظفيـره
وهج الهجوس .. ولوفها دون الأسباب
وكلٍ يغنـي .. مـا يقولـه ضميـره
وأنا الذي .. ما مردسه تيس الأجنـاب
واهبي ونامي .. يا العيـون السهيـره
وصكي عن العالم .. مفاريع الأبـواب