علي الهيفي
سلاام والمبدا بـدا واللـي معـه ردن يقـول .. ..ولاحدن بعد مجبور في رد البيـوت ان قالهـا
مبدا عمومي ولانخص للكل من عرضن وطول .. ..واللي معه حاجه معي لايبتعـد عـن جالهـا
سعد المحيش
يا مرحبا ترحيبتن ثابت علمهـا مـا يـزول .. ..بهل المواقف والمواقـف بينيـن ارجالهـا.
يا هل الفشق واهل البنادق والمحازم والخيول .. ..اللابه الي يشهـد التاريـخ طيـب افعالهـا
علي الهيفي
ابك البقا ياشاعرن معروف طيبه بالفعول .. ..عداد ماذكر الفعل للرجل بيـن ابطالهـا
ياسعد والله ماعليكم زود يافحل الفحول .. ..شاعر ولك ردات بالميدان ورد ارسالها
سعد المحيش
لا يا علي به علم في صدري من البارح يجول .. ..والحين فارت دلـة الهيـل وركـد فنجالهـا.
سبحان من ميز عباده با الفواد وبـا العقـول .. ..الي يجازي كل نفس(ن) من حصيل اعمالهـا.
علي الهيفي
الله يبارك فيك يارجال اظن علمك يهول .. ..وش قصة اعلومك مع الايام تشكي حالها
إلكل نفسن ياسعد طاقه ولها حمل امعقول .. ..ولايكلف ربك الانفـس بفـوق احمالهـا
سعد المحيش
العود الاصلي ما تغير عود ما هوب امعمـول .. ..وأهل الجمال اليا بغت فيضه تسوق أجمالهـا.
والي يعرف الحرب لا يرقص على دق الطبول .. ..والي يعرف الناس ينزلهـا حسـب منزالهـا.
علي الهيفي
لون الذهب صافي لو انه بعد ماهو بمغسول .. ..واهل الجمال ان نوخت للحمل تب تشتالها
الدرب حنا نفتحه لو كان توجد بـه قفـول .. ..ولكل عقده حل لو انـك عقـدت احبالهـا
سعد المحيش
المشكله حليتاها في حل من ضمن الحلـول .. ..والي يبيع أجنيهاهـا بكـره يبيـع أريالهـا.
الزمل تبقا زمل يا الهيفي ومن ضمن الزمول .. ..الي يعقـل أعقالهـا وألـي يفـك أعقالهـا.
علي الهيفي
المشكله في وضعها وياك وياصعب الوصول .. ..واللي شراها ماعرف وش كان في مدخالها
بعض الكلام إليا كثر احيـان مايلقـا قبـول .. ..وان الخلاصه لك نقول الخيل مـن خيالهـا