[سعد بن عادي]

صاحبي محتاج لـك شعـر و شعـور
و إحتياجي شي.. ما كـان إختيـاري
_
من متى و الغصـن يختـار الطيـور
من متى و البـال يختـار الطـواري؟
_
لا تسمي صمتـي البـارح .. غـرور
إنكساري خلف هالصمـت امتـواري
_
في غياب الشمس وش ذنـب الزهـور
و المطر لا شح وش ذنب الصحـاري؟
_
اللقـا لحظـات و الغيـبـه شـهـور
تقصر الخطوات و يطـول انتظـاري
_
لو قريـت المنكتـب بيـن السطـور
ما كتبـت لغلطـة العمـر اعتـذاري
_
صمت هالمينا.. مثل صمـت القبـور
ما رسى مركب.. ولا لاحت صواري