[ابو عصام]

فهد من رجال الوفا والشهامه
الي ينومس ذكرها كل رجال
فهد سما باسمه وعزز مقامه
متوارثين الطيب بالجد والخال
حرا ولد حرا يفك الجهامه
ومن الكرم مايحسب النقص بالمال
فهد من شيوخ الوفا والزعامه
ابوه ناهس لصعيبات حلال
شيخ نكن اله الغلا واحترامه
لحظر بالقالات شيال الاثقال
يوم انها مابين سرج ومقامه
وجهن يشيبه الظما واشهب الال
شيخ يشب النار طرفت حزامه
وتلقاه بالقالات للخيل خيال
وفهد ورث بالطيب عزوت عقاله
رؤس الرجال الشامخه كنها جبال
وفهد بطيبه ماتجيه الملامه
ميزان حق ان طش للحق معدال
رجال لطولات طوله وقامه
وان اعتزا مافيه رحمه لمن عال
حتى يطيع ويستقيم استقامه
والا يعود مسكنه نايف لجال
مثله مثل سيف الويد بمقامه
ان عودت لمنازع الطيب رجال
وخلوق بالاخلاق ثبت وسامه
وتاج الاخوه فوق راسه ولامال
وقبل تحيت شاعرك واترامه
ختامها مني تحيه وميصال

=====مصلح سحيماب =====

الموضوع الأصلي: مدح فهد ناهس | | الكاتب: ابو عصام | | المصدر: شبكة بني عبس