[ناصر الخميلي]

قصيدة أتمنى أن تعجبكم ..

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هاض الغرام وصهوته وأستعديت=وأطلقت كل عنان فكري معاني
للغاجس اللي كل ماحل فزيت=حتى مكاني أتركه لا لفاني
البارحة حددت موعد وتوقيت=الساعة أربع بعد وقت الآذاني
جمعت جيش أشواق قلبي ومريت=للشارع اللي فيه عشق خذاني
نآظرت بيته من بعيد وهليت=دمعٍ على ذكراه سيله غشاني
وقفت قدامه وبالصوت نآآآآآآآديت=يآآآآآبيت وين اللي بوصله جفاني؟
يابيت لا تسألني شلون أنا جيت=جيتك أشيل من العتب ماكفاني
جيتك لجل ذاك الغلا .. ماتناسيت=على العهد حتى لو أنه نساني
يابيت تدري أن له بالحشا .. بيت=بأقصى الضلوع العوج بين المحاني
غلاه فيني شتت الغقل تشتيت=لولاه ماجيتك من الشوق عاني
وتصدق اني كثر ماأجيك حسيت=أنك معي بالذات صاير أناني
حس يعنا روحي كثر ماتعنيت=ودي أشوفه صدفةٍ .. لو ثواني
لولا الحيا .. يابيت والله دشيت=وسطك .. وشفت اللي بحبه بلاني
لكن أنا .. أبقى أنا ماترديت=حتى لو .. أن الشوق يمه حداني
لأني وفي وعالوفا آنا تربيت=دام الحشا .. بيته مكانه مكاني
يابيت قله .. طالبك .. بس هالبيت=وأقبل سلامي مع عظيم إمتناني
يشهد علي الله ماقد تمنيت=إلا أشوفه في عيوني ثواني
[/poem]
وسلامتكم

الموضوع الأصلي: يابيت لا تسألني شلون أنا جيت | | الكاتب: ناصر الخميلي | | المصدر: شبكة بني عبس