السلآم عليكم ورحمة الله وبركآته ..
هذه المتواضعة تحكي عن مافي داخل القلب فلاحول ولا قوة الا بالله .. /
طيور الجو بالعالي حزينه
وتبكي من بعد مر الوداعي
عجايز رملت حقد وضغينه
واماني هدمت بيـــد الافاعي
على شط البحر ترسي سفينه
ولا ربان من بعـــد السباعي
ومن باب الامل ينظر بعينه
صغيرن عايشـــن بالانتــفـاعي
ويرمي بالحجر يملي يدينه
واهم يرمون له حـــبن صـناعي
تصنع في تصنع بالثمينة
وحقد القلب حتى الكـــره شاعي
وقالوا ماعلينا كيف دينه
على حسب البشر حجم الصــداعي
الا يا امتن كانت !! امينة
متى تصحون وتمـوت الضــــباعي
يموت اخواننا حينن بحينه
ونصحى في خبر موتن جـمــــاعي
مقابر باكية وايدي رهينة
وحنا لاهــيينن بالمــتــاعي
وحنا خلفهن نجوى وزينة
ونتبع سارية والقــلب ضاعي
فقدنا ديننا ياهل الفطينة
متى نرجع ويبقى القـلب واعي
تموت اطفالنا ونقول / شينة
وحنا ماوجـــدنا غـير داعي
رفع كفه وماطاحت يمينه
ويبكي لكن الامة شــــباعي
طفل ينظر لمنظر والدينه
واهم قدمه وقد حان الوداعي
الا ياامتن كانت ذهينة
خلاص الوقت مافيه انقطـاعي
نبى كثر العمل نقطع سنينه
ونرجع للامل بالمســـتطاعي
ومن غزة نبا القوم اللعينة
تفارق لين ترجع لك جـياعي
وقدس العز ماعادت قرينة
باسم صهيون والاسم الرباعي
ودار المجد نقطع سالبينه
ديار العز مافيها افـاعي
وترجع دارنا والعز دينه
ختام الهرج من شاعر نفاعي