[المر العذب]

اللب لامن تعور بان بالقشرة=والعين بين عليها كسرة الخاطر
جرحتني جرح ياكبره وياقشرة=ولا يهمك تشوف الجرح يتقاطر
كم قلت لك غلطةٍ للشاطر بعشرة=مشيت درب الجفا من دلك تخاطر
خذ الخبر موجزِ مايلحقه نشره=من قلبي اللي بطربه قلبك الباطر
في حكمتي:من شرى .. في خوتك فأشره=في وقت صار المعزب يكره الخاطر
القلب منظام والنبضه علي تشره=والصبر زوٌد وصارت بكرته فاطر
بالأمس أغني (أبصم لك على العشرة)=واليوم أغني (خلاص وعافك الخاطر)

الموضوع الأصلي: صارت بكرته .. فاطر | | الكاتب: المر العذب | | المصدر: شبكة بني عبس